Tuesday, February 24, 2009

ಎರಡು ಬಿಳಿ , ಒಂದು ಕೆಂಪು USB Drive ಗೊತ್ತಾ ?

ಎನಪ್ಪಾ USB Drive ನಲ್ಲಿ ಈ ತರಹದ ಬಣ್ಣ ಇರುತ್ತದೆಯಾ ಅಂತ ಆಶ್ಚರ್ಯ ಆಗುತ್ತದೆಯಾ ? ಸರಿ ಆದರೆ ಇದು ಬಹಳ ಹೊಸ ತಳಿ, ಮೊದಲು ಕೆಂಪಗೆ,
ಕೇಸರಿ ಇಲ್ಲಾ ಕಪ್ಪು ಬಣ್ಣದಲ್ಲಿ ಸಿಗುತ್ತದೆ ಆಮೇಲೆ ಎರಡು ಬಿಳಿ , ಒಂದು ಕೆಂಪು ಆಗುತ್ತದೆ.

ನಿಮಗೆ ನಾನು ಯಾವುದರ ಬಗ್ಗೆ ಹೇಳುತ್ತ ಇದ್ದೇನೆ ಅಂತ ಅರ್ಥ ಆಗಿಲ್ಲ ಅನಿಸೊತ್ತೆ, ಸರಿ ಒಂದು ಕಥೆಯ ಮೂಲಕ ಹೇಳುತ್ತೆನೆ.

ಆವತ್ತು ಶಿವರಾತ್ರಿಯ ದಿನ, ರಾತ್ರಿ ಎನು ಮಾಡಬೇಕೆಂದು ಗೆಳೆಯರು ಹರಟುತ್ತ ನಿಂತಿದ್ದೆವು ಕಚೇರಿಯ ಆಚೆ ಆಗ ಒಬ್ಬ ಒಳ್ಳೆ ಶರ್ಟು,ಪ್ಯಾಂಟು ಹಾಕಿಕೊಂಡು ಬಂದು
ಪರಿಚಯಿಸಿಕೊಂಡ, 32GB Kingston USB drive ಮಾರಾಟ ಮಾಡುತ್ತ ಇದ್ದೆನೆ, ಆ ಕಂಪೆನಿಯಿಂದ ಬಂದಿದ್ದೆನೆ ಅಂತ ಹೇಳಿದ. ನಾವು ಅಲ್ಲಪ್ಪಾ USB ಮಾರೊಕ್ಕೆ
ರೋಡಿಗೆ ಯಾಕೆ ಬಂದಿದ್ದೀಯಾ ಅಂತ ಕೇಳಿದ. ಅದಕ್ಕೆ ಇಲ್ಲ ಸರ್, export ನಲ್ಲಿ ಎನೋ ತೊಂದರೆ ಆಗಿದೆ, ತುಂಬ ಸ್ಟಾಕ್ ಉಳಿದಿದೆ,ಅದಕ್ಕೆ ಕಮ್ಮಿ ದರದಲ್ಲಿ
ಎಲ್ಲಾ ಐ.ಟಿ-ಬಿಟಿ ಕಂಪನಿಗಳು ಇರೋ ಕಡೆ ಮಾರುತ್ತ ಇದ್ದೇವೆ ಅಂದ.
ಸರಿ ಎಷ್ಟಕ್ಕೆ ಕೊಡುತ್ತಿಯಾ ಅಂತ ವ್ಯಾಪರಕ್ಕೆ ಇಳಿದೆವು
೫೦೦ ರೂಪಾಯಿ ಕೊಡಿ ಸರ್ ಅಂದ
ನಮಗೆ ಎಲ್ಲೊ ಒಂದು ಕಡೆ ಮೀನಿನ ವಾಸನೆ ಬರುತ್ತ ಇತ್ತು, ಅದ್ರೂ ಸರಿ ೪ ಜನಾ ತೆಗೆದುಕೊಂಡರೆ ಎಷ್ಟಕ್ಕೆ ಕೊಡುತ್ತೀಯಾ ಅಂದೆವು
ಕಮ್ಮಿ ಮಾಡೊಕ್ಕೆ ಆಗೊಲ್ಲ ಅಂದ
ನಮಗೂ ಅವನನ್ನು ಸಾಗಿ ಹಾಕುವದಕ್ಕೆ ಮನಸ್ಸು ಬರಲಿಲ್ಲ ನೊಡಿ..
ಇದನ್ನು ಹೇಗೆ ನಂಬೊದು ಅಂದೆವು.
ಅದಕ್ಕೆ ಯಾಕೆ ಸರ್ ಯೋಚನೆ, ನಿಮ್ಮ ಮುಂದೆನೆ ತೋರಿಸ್ತಿನಿ ಕೆಲಸ ಮಾಡಿದರೆ ತೊಗೊಳ್ಳಿ ಇಲ್ಲ ಬಿಡೀ ಎಂದ.
ಸರಿ ನೋಡೇ ಬಿಡೋಣ ಅಂತ ತೋರ್ಸು ಎಂದೆವು
ಅವನು ಒಂದನ್ನು ತೆಗೆದುಕೊಂಡು ಮೊದಲು ಅದು drive ಆಗಿ recognize ಆಗ್ತ ಇರೊದು ತೋರಿಸಿದ.
ಆಮೇಲೆ, ಅದರ drive properties ತೋರಿಸಿ ೩೧ ಚಿಲ್ಲರೆ GB ಫ್ರಿ ಇರುವುದು ತೋರಿಸಿದ.
ಆಮೇಲೆ ಒಂದೆರೆಡು ಹಾಡುಗಳನ್ನ್ಯ್ ಕಾಪಿ ಮಾಡಿದ, ಅಷ್ತರಲ್ಲಿ ಯಾರೊ ಅವನನ್ನು ಕರೆದರು.ಸರಿ ಅಂತ ಹೋದ ಆಮೇಲೆ ಸ್ವಲ್ಪ ಹೊತ್ತಿನಲ್ಲಿ ಬಂದ.
ನಮ್ಮ ಹುಡುಗರು ಎಲ್ಲ ತಲೆಗೆ ೨ ಅನ್ನೊ ಹಾಗೆ ಕಳ್ಳೆಪುರಿ ವ್ಯಾಪಾರ ಮಾಡಿದರು, ಸಾಲದಕ್ಕೆ ಎಲ್ಲಾ ಗೆಳೆಯರಿಗೂ ಕರೆ ಮಾಡಿ ಬನ್ರೊ ಅಂತ ಹೇಳುವದಕ್ಕೆ ಶುರು ಮಾಡಿದರು, ಒಂದು ತೆಗೆದುಕೊಳ್ಳೊಣ ಸರಿ ಕೆಲ್ಸ ಮಾಡಿದರೆ ಆಮೇಲೆ ವ್ಯಾಪರ ಮಾಡೊಣ ಅಂತ ಅಂದುಕೊಂಡರು ನೋಡೆಬಿಡೋಣ ಅಂತ ಎಲ್ಲ ಕೊಂಡುಕೊಂಡೆವು.
ಪುಣ್ಯಕ್ಕೆ ನನ್ನ ಬಳಿ ದುಡ್ಡಿರಲಿಲ್ಲ, ನನ್ನ ಗೆಳೆಯರ ಬಳಿ ಇದ್ದ ದುಡ್ಡು ಅವರ ತಮ್ಮ-ತಂಗಿ-ಜಿಫ್ ಇವರಿಗೆ ಆಗಿತ್ತು. ನನ್ನ ಗೆಳೆಯನಿಗೆ ಕರೆ ಮಾಡಿ ದುಡ್ಡು ತೆಗೆದುಕೊಂಡು ಬಾ ಎಂದೆ, ಅದರೆ ಅವನು ಸ್ವಲ್ಪ ಬಿಸಿ ಇದ್ದೀನಿ, ನೀನೆ ಬಾ ಹಾಗೆ ನನಗೂ ೨ ತೊಗೊ ಎಂದ.
ಬರೋವಾಗ ಗುರು ..ಆಮೇಲೆ ಬರುತ್ತಿವಿ ಇನ್ನ ೪ ಬೇಕು ಎಲ್ಲಿ ಸಿಗುತ್ತಿ ಅಂತ ಕೇಳಿದೆವು...
ಇಲ್ಲೇ ಇರುತ್ತಿನಿ ಸರ್ ಅಂದ, ಎನೇ ಆಗಲಿ ನಿನ್ನ ಸಂಖ್ಯೆ ಕೊಡು ಅಂತ ತೆಗೆದುಕೊಂಡು,ಅಲ್ಲೇ ಒಂದು ಮಿಸ್ ಕಾಲ್ ಕೊಟ್ಟು ರಿಂಗ್ ಆಗುತ್ತ ಇದೆಯಾ ಅಂತ
ಒಮ್ಮೆ ಖಾತರಿ ಮಾಡಿಕೊಂಡೆವು.
ಎಲ್ಲಾ ಖರೀದಿ ಮಾಡಿ ಕಚೇರಿಯಲ್ಲಿ ಹೋಗಿ ಮೊದಲು ಮಾಡಿದ ಕೆಲಸ ಅಂದರೆ ಅದು ಕೆಲಸ ಮಾಡುತ್ತ ಇದೆಯಾ ಅಂತ ನೋಡಿದ್ದು, ಅಷ್ತರಲ್ಲಿ ಈ ಸುದ್ದಿ ಹರಡಿ
ಜನ ಅವನನ್ನು ಹುಡಕಿಕೊಂಡು ಹೊರಟರು.
ನನ್ನ ಲ್ಯಾಪಟಾಪಿನಲ್ಲಿ ನಾನು ಮೊದಲು ನನ್ನ ಗೆಳೆಯನ usb ಹಾಕಿ , ಒಂದು ೩GB ಕಡತ ರವಾನಿಸಿದೆ, ಎಲ್ಲ ಹೋಯಿತು,
ಅದರಲ್ಲಿ ಇರುವದನ್ನು ತೆಗೆಯಲು ಹೊದರೆ ಆಗುತ್ತಿಲ್ಲ. ಎನೊ ತೊಂದರೆ ಎಂದುಕೊಂಡು DOS ಮೂಲಕ ಪ್ರಯತ್ನ ಪಟ್ಟೆ ಅಲ್ಲೂ ಅದೇ... ನನ್ನ ಗೆಳೆಯನ ಡೆಸ್ಕಗೆ ಹೋದೆ
ಕೆಲಸ ಮಾಡುತ್ತಿಲ್ಲ ಅಂತ ಹೇಳೊಕ್ಕೆ. ಅಲ್ಲಿ ಅವನೂ ಕೂಡ ಭಗೀರಥ ಪ್ರಯತ್ನ ಮಾಡುತ್ತ ಇದ್ದಾನೆ. ಎಲ್ಲರದೂ ಅದೇ ಕಥೆ... ೧೦ ನಿಮಿಷದಲ್ಲಿ ಎಲ್ಲಾ ಎರಡು ಬಿಳಿ , ಒಂದು ಕೆಂಪು USB Drive ಆಗಿದ್ದವು.

ಗೂಗಲಿನಲ್ಲಿ ಇದರ ಬಗ್ಗೆ ಕೊಟ್ಟರೆ ಅನೇಕ ನಮ್ಮ ತರಹದ ಕಥೆ ಇದ್ದವು...

ನಮ್ಮನ್ನು ನೋಡಿ ಹೋದವರು ಬರಿಗೈನಲ್ಲಿ ತಾವು ಕೊಂಡುಕೊಂಡು ಬಂದಿದ್ದರು. ಅವರಿಗೂ ನೀವು ಮೂರ್ಖರಾದೀರಿ ಅಂತ ಹೇಳಿದೆವು, ಎಲ್ಲಾಗಿಗೂ ನಖಶಿಖ ಉರಿ, ಇಲ್ಲಿ ಮೊಸ ಹೊಗಿಲ್ಲದ ನನ್ನಂತವರಿಗೆ ನಗೂ, ಅದರೂ ಎನು ಮಾಡೊಣ ಅಂತ ಮತ್ತೆ ಆಚೆ ಬಂದು ಅವನನ್ನು ಹುಡುಕಲು ಹೊರಟರೆ ಆ ಆಸಾಮಿ ಪತ್ತೆನೆ ಇಲ್ಲ.
ಆಮೇಲೆ ನಮ್ಮ ಬಳಿ ಇದ್ದ ಮೊಬೈಲ್ ಇಂದ ಕರೆ ಮಾಡಿ, ಗುರು ಇನ್ನ ೧೦ USB ಬೇಕು ಎಲ್ಲಿದ್ದೀಯಾ ಅಂತ ಕೇಳಿದೆವು.ಅವನು ಸರ್ ೧೫ ನಿಮಿಷ ಕೊಡಿ ತಂದು
ಕೊಡ್ತಿನಿ ಎಂದ..
ಎಲ್ಲಾ ಸೇರಿ ಹೊಂಚು ಹಾಕಿ ಕಾಯುತ್ತ ಇದ್ದೆವು, ಆದರೆ ತುಂಬ ಜನ ಇರುವುದು ನೋಡಿದರೆ ಅವನಿಗೆ ಸಂಶಯ ಬಂದು ಓಡಿಹೋಗಬಹುದು ಎಂದು ೩-೪ ತಂಡಲ್ಲಿ ಇದ್ದೆವು. ಅವನು ಬಂದ ೩-೪ ತೋರಿಸಿದ, ಪರೀಕ್ಷೇ ಮಾಡಿಸುವದಕ್ಕೆ ತೋರಿಸು ಅಂದರೆ ಲ್ಯಾಪಟಾಪ್ ತಂದಿಲ್ಲ ಅಂದ. ನಮಗೂ ಉರಿ ಹತ್ತಿತ್ತು, ಅವನನ್ನು ಸುತ್ತುವರೆದು
ಸಖತ್ ಆವಾಜ್ ಹಾಕಿ ಪೋಲಿಸರಿಗೆ ಕರೆ ಮಾಡುವದಕ್ಕೆ ಹೋದೆವು,ಅವನು ನಮ್ಮ ದುಡ್ಡನ್ನು ವಾಪಿಸ್ ಕೊಟ್ಟು, ತಮ್ಮ ಕಷ್ತ ಹೇಳಿಕೊಂಡ .. ನಾವು ಕೊಟ್ಟ ದುಡ್ಡನ್ನು ಪೈಸೆ ಸಮೇತ ಪಡೆದು ಅವನಿಗೆ ೨-೩ ಧರ್ಮದೇಟು ಕೊಟ್ಟು ಕಳುಹಿಸಿದೆವು. ಆಮೇಲೆ ಬಂದು ನಮ್ಮ ವೀರಕತೆಯನ್ನು ಎಲ್ಲರ ಬಳಿ ಹೇಳಿಕೊಂಡಿದ್ದು ಮತ್ತು ಅವರನ್ನು ವಾರ್ನ್ ಮಾಡಿದ್ದು..

ನಿಮ್ಮ ಗಮನಕ್ಕೆ ನಾನು ನೋಡಿದ ಒಂದು screenshot ಹಾಕುತ್ತ ಇದ್ದೆನೆ, ಇದು ಅಂತರ್ಜಾಲದಲ್ಲಿ ಸಿಕ್ಕಿತು.

Friday, February 13, 2009

<ಪ್ರೀತಿ> ಪ್ರೇಮಿಗಳ ಹಬ್ಬದ ದಿನದ ಶುಭಾಷಯ-Happy V-Day




ಜೀವನವನ್ನು ರಂಗುಗೊಳಿಸುವ
ಪ್ರೇಮದ ಕಾರಂಜಿ ,
ಸುವಾಸನೆಯ ಪಸರಿಸುತ್ತ
ಆಗಲಿ ಜೀವನದ ಜಾಜಿ.

ನಗು, ಸಂತೋಷ, ನೆಮ್ಮದಿಯು
ತುಂಬಿರಲು ಸುತ್ತ ಮುತ್ತಲು,
ನಂಬಿಕೆ, ವಿಶ್ವಾಸದ ಬೆಳಕಿಂದ
ಆರಿ ಹೊಗಲಿ ಅಭದ್ರತೆಯ ಕತ್ತಲು.



ನನ್ನದು ಎನು ಇಲ್ಲ,
ಎಲ್ಲ ನಿನ್ನದೇ ಅನ್ನೊ ಸಮರ್ಪಣ ಭಾವ.
ಪ್ರೀತಿಸುತ್ತ ಇರುವ ಹೃದಯಗಳಿಗೆ
ಪ್ರೇಮವೇ ದೈವ.

ಪ್ರೀತಿಯಲ್ಲಿ ಬಿಳಬೇಡಿ,
ಎದ್ದೇಳಿ,
ಧರ್ಮಾಂದತೆ,ಕಟ್ಟುಪಾಡುಗಳನ್ನು ಮೆಟ್ಟಿ
ನೂರು ಕಾಲ ಹರುಷದಿ ಬಾಳಿ.


HAPPY VALENTINES DAY ... ಪ್ರೇಮಿಗಳ ಗುಸುಗುಸು,ಪಿಸುಪಿಸು

Friday, February 06, 2009

JUNGLEE FILM REVIEW




JUNGLEE FILM REVIEW
Starring:- Vijay , Andrita Rai, Rangayana Raghu, Kashi, Adi Lokesh
Direction:- Suri
Music:- Hari Krishna


ಇಂತಿ ನಿನ್ನ ಪ್ರೀತಿಯ ಚಿತ್ರ ಕ್ಲಾಸು ಆಗಗಿಲ್ಲ, ಮಾಸು ಆಗಲಿಲ್ಲ ಬರೀ ಗ್ಲಾಸು ಆಗಿ ಮಕಾಡೆ ಮಲಗಿತ್ತಲ್ಲ ಸೂರಿಗೆ ಸ್ವಲ್ಪ ಜ್ಞಾನೋದಯವಾಗಿ ಮತ್ತೆ ವಿಜಿಯನ್ನು ಹಾಕಿಕೊಂಡು ಜಂಗ್ಲಿ(JUNGLEE) ಅನ್ನೊ ಹೆಸರನ್ನು ಇಟ್ಟುಕೊಂಡು ಅಖಾಡಕ್ಕೆ ಇಳಿದಿದ್ದಾರೆ. ಹೇಳಿಕೇಳಿ ರಾಕಲೈನ್ ನಿರ್ಮಾಣ ಬೇರೆ, ಅಂದರೆ ಜನರಲ್ಲ ಹೆಚ್ಚಿನ ನಿರೀಕ್ಷೆ ಇರೊತ್ತೆ ಅನ್ನೊ ಒಂದು ಯೋಚನೆಯಲ್ಲೇ ಚಿತ್ರವನ್ನು ನೋಡಿದ್ದು.

ಕಥೆಯ ಆರಂಭ ಅಂತ್ಯದೊಂದಿಗೆ ಶುರುವಾಗಿ ಮತ್ತೆ ಕೊನೆಗೆ ಅಲ್ಲಿಗೆ ಬರುತ್ತದೆ... ಮಂದ ಬೆಳಕಲ್ಲಿ ಕರಿಯಾ ವಿಜಿಯ ಮುಖ ಕಾಣುತ್ತಿದ್ದ ಹಾಗೆ
ಶಿಳ್ಳೆಯೋ ಶಿಳ್ಳೆ., ಕಥೆ ೨ ವರುಷ ಹಿಂದೆ ಹೋಗುತ್ತದೆ. ರಂಗಾಯಣ ರಘು ಮತ್ತು ವಿಜಿಗೆ ಬಂದ ನಿಲ್ಲುತ್ತದೆ. ತಮ್ಮ ಊರಿಗೆ ಹೋಗೊ ದಾರಿಯಲ್ಲಿ ಪ್ರಯಾಣ ಮಾಡುತ್ತ ತಮ್ಮ ಹಳೇ ನೆನಪನ್ನು ಮೆಲಕು ಹಾಕುತ್ತಾರೆ. ಅವರ ಸಂಭಾಷಣೆಯ ಜೀವಾಳ, ಭಟ್ ಮತ್ತು ಸೂರಿಯ ಶ್ರಮ ಎದ್ದು ಕಾಣುತ್ತದೆ. ವಿಜಿಯ ಹೆಸರು ಜಂಗ್ಲಿ, ಈ ಹೆಸರು ಕೆಲವೊಮ್ಮೆ ನಮ್ಮ ಸಂಶಯಕ್ಕೆ ಈಡು ಮಾಡುತ್ತದೆ, ಯಾಕೆಂದರೆ ನಾನು ಈ ಹೆಸರಿನಿಂದ ಕಥೆ ಒಬ್ಬ ಕಾಡು ಮನುಷ್ಯ ನಾಡಿಗೆ ಬರುವುದು ಪ್ರೇಮದಲ್ಲಿ ಬೀಳುವುದು ಕಥೆ ಇರುತ್ತದೆ ಎಂದು ಕೊಂಡಿದ್ದೆ, ಆದರೆ ಹಾಗಲ್ಲ ಇದು ಪ್ರಭಾಕರ ಅನ್ನೊ ಒಬ್ಬ ಹಳ್ಳಿ ಹೈದನ ಕಥೆ. ಪ್ರಭಾಕರ್ ಹೆಸರಿನ ಮಹಿಮೆಯೋ ಎನೋ ವಿಜಿ ಸಖತ್ ಆಗಿ ಟೈಗರ್ ಪ್ರಭಾಕರ್ ತರ ಮಾತನಾಡುತ್ತಾರೆ, ಅದರಲ್ಲೂ ಆ..ಬೇಬಿ.. ಅನ್ನೊದು ಕೇಳುವದಕ್ಕೆ ಸುಖಾ. ಸದಾ ಪ್ರಭಾಕರ್ ಗುಂಗಿನಲ್ಲಿ ದೇಹ ದಂಡಿಸಿ, ಅವನ ತರ ದೊಡ್ಡ ವಿಲನ್ ಆಗಬೇಕೆಂಬ ಉತ್ಕಟ್ಟ ಬಯಕೆಯನ್ನು ಹೊಂದಿರುತ್ತಾನೆ, ಆ ಸಮಯದಲ್ಲೇ ಗುಡ್ಡೆ(ರಂಗಾಯಣ ರಘು)ಯನ್ನು ಬೇಟಿ ಮಾಡಿ ನಗರಕ್ಕೆ ಬರುತ್ತಾನೆ.
ಅಲ್ಲಿ ಆಟೋ ರಿಕ್ಷಾ ಓಡಿಸುತ್ತಾನೆ ಕೆಲವು ದಿನ ಆದರೆ ಕೊನೆಗೆ ಬಂದು ನಿಲ್ಲುವುದು ರೌಡಿಯಾಗಿ...

ತಲೆ ತೇಗಿ ಬೇಕು ಇಲ್ಲ ನಿಮ್ಮ ತಲೆ ಉಳಿಯುವದಿಲ್ಲ ಅನ್ನೊ ನಿಯಮದಲ್ಲಿ ಕಾಲ ದೂಡುತ್ತ ಇರುತ್ತಾನೆ, ವಯಸ್ಸಿನ ಮನೋಧರ್ಮದಲ್ಲಿ
ಒಂದು ಹುಡುಗಿಯನ್ನು ನೋಡೀ ಇವನ ಎದೆ ಬಡಿತವಾಗಿ ಅವಳೇ ನನ್ನ ಹೆಂಡತಿ ಅನ್ನೊ ತಿರ್ಮಾನಕ್ಕೆ ಬರುತ್ತಾನೆ. ಅವಳನ್ನು ಪಟಾಯಿಸಲು ತರಾ-ವರಿ ಪ್ರಯತ್ನಾ ಮಾಡುತ್ತಾನೆ, ಆದರೆ ಅವಳೇ ಚಿತ್ರದೆ ನಾಯಕಿ ಪದ್ಮ(ಆಂದ್ರಿತಾ ರೇ). ಇವನ ಮಂಗಾಟಗಳನ್ನು ನೋಡಿ ಚಿ..ತೂ ಅಂತ ಬೈದರೂ ವರೆಸಿಕೊಂಡು ಮತ್ತೆ ಮರಳಿ ಯತ್ನವ ಮಾಡು ಅನ್ನುತ್ತಾನೆ.

ಆ ಒಂದು ಕ್ರಮದಲ್ಲಿ ಹುಡುಗಿಯ ಅಪ್ಪನನ್ನು ಪಟಾಯಿಸಿ ಅವನ ಕೈಯಿಂದ್ ರೌಡಿಗಳನ್ನು ಇಟ್ಟುಕೊಂಡು ನಾಟಕವಾಡಿಸುವ ಪ್ರಯತ್ನ ಮಾಡುತ್ತಾನೆ, ಅದೇ ಸಮಯಕ್ಕೆ ವಿರೋಧಿಗಳ ದಾಳಿಯಾಗ ಹುಡುಗಿಯ ಅಪ್ಪ ಸಾಯುತ್ತಾನೆ. ಅದು ಹುಡುಗಿಗೆ ತುಂಬಾ ಬೇಜಾರಾಗಿ ಜಂಗ್ಲಿಯಿಂದ ದೂರ ಆಗುತ್ತಾಳೆ. ಮತ್ತೆ ಒಲೈಸಿಕೊಂಡು ಸರಿಹೋಯಿತು ಅನ್ನೊವಾಗ ಇನ್ನೊಂದು ಅವಘಡ ಆಗುತ್ತದೆ. ರೌಡಿಗಳ ಮಾರಮಾರಿ ಒಂದು ಕಡೆಯಾಗಿ ಇವನಿಗೆ ಸಾಕಪ್ಪಾ ಸಾಕು ಅನಿಸೊದು ಒಂದು ಕಡೆ ಆದರೆ ಇನ್ನೊಂದು ಕಡೆ ಇವನ ಗುರುವನ ಹೆಂಡತಿ ಇವನನ್ನು ಬಯಸುವುದು ಒಟ್ಟಿನಲ್ಲಿ ಇದರಿಂದ ಬೇಸರವಾಗಿ ತನ್ನ ಪ್ರಿಯತಮೆ ಸಲುವಾಗಿ ಫೀಲ್ಡ ಬಿಡುತ್ತಾನೆ.

ಆದರೆ ಫೀಲ್ಡ ಇವನನ್ನು ಬಿಡಬೇಕಲ್ಲ, ದೊಡ್ಡ ಮರ್ಡರ್ ಆಗಿ ಅದರಲ್ಲಿ ಇವನನ್ನು ಫಿಟ್ ಮಾಡುತ್ತಾರೆ. ಈ ಸುದ್ದಿಯನ್ನು ಕೇಳಿ ಪದ್ಮ ಇವನನ್ನು ಹುಡುಕಿಕೊಂಡು ಹೋಗುತ್ತಾಳೆ, ಇವನ ಗುರುವಿನ ಮಗನ ಕಾಮವಾಂಛೇಗೆ ಬೀಳುತ್ತಾಳೆ.ಅವಳನ್ನು ಇವನು ರಕ್ಷಿಸಿ ಬಚಾವ್ ಮಾಡೊದ್ರಲ್ಲಿ ಅವನ ಸಾವಾಗುತ್ತದೆ, ಅದು ಇವನ ತಲೆಗೆ ಅಂಟಿ ,ಗುರುವೇ ಇವನನ್ನು ಕೊಚ್ಚಿ ಹಾಕಲು ಕಳಿಸುತ್ತಾನೆ,ಆಗ ನಡೆಯುವ ಹೊಡೆದಾಟವೇ ಕ್ಲೈಮ್ಯಾಕ್ಸ.

ಚಿತ್ರದ ಪ್ರಮುಖ ಅಂಶ

* ಹಾಡುಗಳು ಮತ್ತು ಸಾಹಿತ್ಯ
* ಸುಂದರ ಚಿತ್ರಣ,photography
* ವಿಜಿಯ ೬ ಪ್ಯಾಕ್
* ಹೊಡೆದಾಟ
* ರಂಗಾಯಣ ರಘು ಮತ್ತು ವಿಜಿಯ ಅಭಿನಯ
* cute ಆಂದ್ರಿತಾ ರೇ
* ಸಂಭಾಷಣೆ


ಮೈನಸ್ ಅಂಶ

* ಮೊದಲನೇ ಭಾಗ ಹೋದ ವೇಗಕ್ಕೆ ಎರಡನೇ ಭಾಗ ಹೋಗದೇ ಕಥೆ ಎಳೆದಿರುವುದು
* ಕಥೆಯನ್ನು ಇನ್ನೂ ಜೀವಂತ ಮಾಡಬಹುದಿತ್ತು.
* ಹೊಡೆದಾಟ ಕೆಲ ಕಡೆ ಅನವಶ್ಯ
* ಐಟಂ ಹಾಡು ಬೇಕಾಗಿರಲಿಲ್ಲ ಆದರೆ ಸೂರಿಯ ಚೂಟಿತನ ಎದ್ದು ಕಾಣುತ್ತದೆ. ಐಟಮ್ ಹಾಡನ್ನು ಶೂಟಿಂಗ್ ತರ ತೋರಿಸಿರುವುದು.

ಒಟ್ಟಿನಲ್ಲಿ ನೊಡಬಹುದಾದ ಚಿತ್ರವಿದು...