Friday, May 04, 2007

ಜಿಂಕೆ ಮರಿಗೆ ಬಲೇ ಗಾಂಚಲಿ ..




ಸರಿ ಸುಮಾರು ವರುಷಗಳ ಹಿಂದೆ ಹುಚ್ಚ ಬಂದಾಗ ಅದರಲ್ಲಿ ಮುಗ್ದ ಹೆಣ್ಣು ಮಗಳ ಪಾತ್ರ ಮಾಡಿ ಬೆಳಕಿಗೆ ಬಂದ ಹುಡುಗಿಯೇ
ರೇಖಾ ವೇದವ್ಯಾಸ. ಬರುವಾಗಲೇ ಮಾಡೆಲ್ ಎಂಬ ಹಣೆಪಟ್ಟಿಯನ್ನು ಹಂಚಿಕೊಂಡು ಬಂದ ಹುಡುಗಿ ಎಂಟ್ರಿ ಕೊಟ್ಟಿದ್ದು ಗೌರಮ್ಮ ಆಗಿ.
ಅಭಿನಯದಲ್ಲಿ ಆರಕ್ಕೆ ಎರದೆ ಇದ್ದುದರ ಪರಿಣಾಮವೇ ಮತ್ತೆ ಹೆಚ್ಚು ಅವಕಾಶಗಳು ಬರಲಿಲ್ಲ. ಆಗ ಲೋ ಬಜೆಟ್ ಚಿತ್ರಗಳನ್ನು ಮಾಡುತ್ತಿದ
ಉಷಾಕಿರಣ್ ಮೂವಿಸ್ ಚಿತ್ರ ಸಿಕ್ಕಿದ್ಧು ಇವಳ ಲಕ್ ಖುಲಾಯಿಸಿದ್ದು ನಮ್ಮ ದೌರ್ಭಾಗ್ಯವೇ ಸರಿ. ಮತ್ತೆ ಇವಳು ಕನ್ನಡಕ್ಕೆ ರೀ ಎಂಟ್ರಿ ಕೊಟ್ಟಾಗ
ಅವಳ ಜೊತೆ ಬಹುಭಾಷ ಕಲಾವಿದೆ ಎಂಬ ಕೊಬ್ಬು ಬಂತು. ಇಂದ್ರಜಿತ್ ಇವಳನ್ನು ತನ್ನ ಚಿತ್ರಗಳಲ್ಲಿ ಗ್ಲಾಮರಸ್ ಆಗಿ ತೋರಿಸಿದರು
ಇವಳು ಹೆಚ್ಚು ಪ್ರಚಾರ ಪಡೆಯಲಿಲ್ಲ. ಅಲ್ಲಿಗೆ ಅವಳ ತೆಲುಗು ಚಿತ್ರರಂಗದ ಕೆರಿಯರ್ ಕೂಡ ಮುಗಿದಿತ್ತು,ಆದರೂ ಇವರ ಕೊಬ್ಬು ಮಾತ್ರ ಇಳಿದಿರಲಿಲ್ಲ.
ಮತ್ತೆ ಇವಳಿಗೆ ಆಸರೆ ಆಗಿದ್ದು ಲೊ ಬಜೆಟ್ ನಿರ್ಮಾಪಕರು, ಕನ್ನಡದಲ್ಲಿ ಚೆಲ್ಲಾಟ ಚಿತ್ರದಲ್ಲಿ ಮತ್ತೆ ಇವಳ ಇನ್ನೋಂದು ಇನಿಂಗ್ಸ ಪ್ರಾರಂಭ ಆಯಿತು,
ಕನ್ನಡ ನಾಯಕ-ನಾಯಕಿಯರಿಗೆ ಬೇಡಿಕೆ ಇರುವ ಇಂದಿನ ದಿನಗಳಲ್ಲಿ ಇವಳಿಗೂ ಸ್ವಲ್ಪ ಅವಕಾಶ ಸಿಕ್ಕರೆ ಅವಳ ಭಾಗ್ಯವೆಂದು ತಿಳಿಯದೇ,
ಕನ್ನಡದಲ್ಲಿ ನನಗೆ ಮಾತನಾಡಲು ಆಗುವದಿಲ್ಲ,ಕಷ್ಟ. ಮನದಾಳದ ಮಾತುಗಳನ್ನು ಹೇಳಲು ಇಂಗ್ಲೀಷ್ ಬಳಸುತ್ತೇನೆ ಅಂತ ತೇಮ್ಸ್ ನೀರು ಕುಡಿದು ಬಂದ
ಹಾಗೆ ಆಡುವ ಈ ನಾರಿಮಣಿ ಕನ್ನಡ ಚಿತ್ರ ಮಾಡಲು ಮನಸ್ಸು ಮಾಡಿದ್ದು ನಮ್ಮ ಕನ್ನಡಿಗರ ಸೌಭಾಗ್ಯವೇ ಸರಿ ಅನ್ನಬೇಕು. ಇವಳು ಇತ್ತಿಚಿಗೆ
ಸಾಯಿ ಪ್ರಕಾಶ್ ಅವರ ಹುಟ್ಟಿದರೆ ... ಎಂಬ ಕರುಳಿನ ಕೈ ಹಾಕುವ ಚಿತ್ರದಲ್ಲಿ ಪಾತ್ರ ಕೊಟ್ಟರೆ, ಆ ಶೂಟಿಂಗನಲ್ಲಿ ಹಾಗೇ ಹೇಳಬೇಕೆ ??.
ಇವಳ ಇಂಗ್ಲೀಷ್ ಜ್ಞಾನ ನೋಡಿ ಆ ಪಾತ್ರ ಕೊಟ್ಟಿದ್ದು ಅಲ್ಲ, ಪಾಪ ರಾಧಿಕ ಐ.ಟಿ ಭಯಕ್ಕೆ ನಾಪತ್ತೆ ಆದ್ದುದರಿಂದ ಇವಳ ಬಗುಲಿಗೆ ಅವಕಾಶ ಬಂದಿದೆ ಅಷ್ಟೆಯಾ.
ಅಷ್ಟಕ್ಕೂ ಆವತ್ತಿನ ಶೂಟಿಂಗನಲ್ಲಿ ಎಸ್ಪಿ,ಲಕ್ಷ್ಮೀ ಇದ್ದರು, ಅವರೆಲ್ಲಾ ಬಿಸಿಲಿನಲ್ಲೂ ಕೂಡ ಕನ್ನಡ ಮಾತನಾಡಿದರೆ, ಈ ಪುಣ್ಯಾತ್ತಗಿತ್ತಿ ಬಾಯ್ ನ ಕರೆಸಿ ಕೊಡೆ ಹಿಡಿಸಿಕೊಂಡು
ಬಾಯಿಗೆ ಬಂದದ್ದು ಉಸರಿದಳು. ಮೊದಲೇ ಕಲಾವಿದರಿಗೆ ಭಾಷೆ ಇಲ್ಲಾ ಅನ್ನುವರ ಮಧ್ಯೆ ಇಂಥಾವರನ್ನು ಯಾವ ರೀತಿಯಲ್ಲಿ ಕನ್ನಡತಿ ಎನ್ನಬೇಕು ಎನ್ನುವುದು
ನಮ್ಮ ಮುಂದೆ ಇರುವ ಯಕ್ಷಪ್ರಶ್ನೆ.
ಈ ಎಮ್ಮಾ ಇಷ್ಟು ಆಂಗ್ಲ ಪ್ರೇಮ ತೋರಿಸಿದರ ಕರಾಮತ್ ನೋಡಿದರೆ ಹಾಲಿವುಡಗೆ ಸ್ಕೆಚ್ ಹಾಕಿದ ಹಾಗೆ ಅಂತ ನನಗೆ ಅನಿಸಿದ್ದು ಸರಿ ಅಂತ ಗೂಗಲ್ ದೇವತೆ
ಕೂಡ ಹೇಳಿದಳು. ಹಿಂದೆ ವ್ಯಾಲೆಂಟೆನ್ -ಡೇಗೆ ಒಂದು ಭಾರತೀಯ ಉಪಹಾರ ಕೇಂದ್ರಕ್ಕೆ ಬೇಟಿಕೊಟ್ಟಾಗ ಅಲ್ಲಿ ಅವಳು ತನ್ನ ಹಣೆಬರಹವನ್ನು ಪರೀಕ್ಷಿಸಲು ಹೋರಟಿದ್ದ್ಯು
ಸುಳ್ಳಲ್ಲ.ಅದರೆ ಅದೇನು ಹೆಗ್ಗಳಿಕೆ ಕೂಡ ಅಲ್ಲ, ಅಷ್ಟು ಮನದಾಳ ಹಂಚಿಕೊಳ್ಳಬೇಕೆಂದರೆ ಅಲ್ಲಿಗೆ ಹೋಗಲಿ, ನಮಗೆ ಒಂದು ಪೀಡೆ ತಪ್ಪುತ್ತದೆ ಅಂತ ಗಾಂಧಿನಗರದ ಜನ
ಪಿಸುಗುಟ್ಟಿದ್ಧು ರಟ್ಟಾಗಿದೆ. ಇವಳೂ ಇಲ್ಲಾ ಅಂದರೆ ಕನ್ನಡ ಮಾತನಾಡಲು ಪ್ರಯತ್ನ ಪಡುವ ಮಾನ್ಯ ಇಲ್ಲವೇ ಇವಳ ಜಾಗ ತುಂಬಲು ??

ಕೊಸರು:-ತಮಾಷೆಗಾಗಿ ಬಂದ ಜಿಂಕೆಮರಿ ತುಂಟಾಟ,ಹುಡುಗಾಟ ಮಾಡಿ ಮುಂದಿನ ಚಿತ್ರ ಪೇಚಾಟಕ್ಕೆ ರೆಡಿ ಆಗಿದ್ದಾಳೆ.

No comments: